コメダ珈琲店

Open Now

Now Closed

係香港開業咗一排嘅日式喫茶店，終於要黎試一試。唔知係咪熱潮已過，lunch time 黎到成間舖都冇乜人，得一兩枱客。我地叫咗一個豬扒方堡，一個燉牛肉share黎食。味噌炸豬扒方堡落單嘅時候，豬扒方堡有得揀切兩份定四份，先地諗住兩個share就切兩份算，上到枱先知原來好大份，塊豬扒仲大過塊麵包，食得出係即刻炸，炸得好酥脆唔乾，中間有啲椰菜絲同味噌醬汁，好好食！紅酒燉牛肉紅酒燉牛肉亦係即刻焗，中間有一球薯仔沙律，周邊嘅牛肉粒都夠淋，面頭再有啲芝士一齊焗。本身配咗兩片法包，覺得唔係好夠，因為個汁真係幾好食，可能要追加多士先得。最後加多咗個大福冰與火，比普通版中間切咗一半夾咗紅豆溶同幾片大福，面頭有雙色雪糕同士多啤梨醬。成舊甜品要襯熱食，因為上到枱都見到個雪櫃溶得好快，可惜中間個片大福餡太薄，其實唔係好食到啲煙煙韌韌。整體其實都好食又好坐，價錢都唔算貴，啡亦幾好飲。佢啲位除咗四人卡位，仲有啲自閉位比一個人黎食都唔尷尬，個位前面仲有得差電，裝修都好有日式喫茶店嘅vibe。