犇道 Chef Ben- Cafe & Steak Bar (弦海) (Closed)

平時去開屯門跑步 ，係屯門河都見到呢間餐廳，但就未試過去食 。今晚朋友約黎呢間食，終於可以試下。餐廳環境唔錯，坐位都闊，坐得都幾舒服。對面望住河景，夜晚都幾有氣氛。餐湯餐湯係粟米忌廉湯，好creamy，唔係罐頭湯味道，好香濃粟米味。15 是⽇廚師發辦⽜扒 7oz 伴薯菜我呢個簡左4成熟，表面煎到少少香脆，保持住肉汁，4成熟都唔會好un，肉質軟腍，牛味足夠，配埋個汁好夾。份量有7oz，仲可以同朋友share，蔬菜方面好香蒜味，菜類十分新鮮，保持爽脆。薯條都好出色，炸得金黃酥脆，好食到一口接一口 。烤西班⽛豬胺扒10oz 配芥末籽燒汁 伴薯菜豬胺既份量都好多，熟度煮得很好，食落肉質鬆軟 ，好香油脂味，另外都保持到肉汁。估唔到豬都可以好好食。油封鴨脾牛肝菌意大利飯賣相吸引，份量一樣係唔細。上面既配料令到成個食落口 好香脆野味。鴨腿煮得適中，肉質鮮嫩，意大利飯偏向軟身，調味好好，可以推薦意大利飯。巨型檸檬茶份量真係幾大杯， 可以2個人飲，檸茶我叫左少甜，甜度適中，有保留到茶味 ，檸檬味都足夠。整體食物環境服務各樣都唔錯，可以推薦，價錢都唔會太貴。