聚福樓 (Closed)

屯門 - 聚福樓次次經過呢度都覺得店舖外好有野外桃園嘅感覺，店內嘅設計俾人一種好舒服嘅感覺，所有店員都係年輕人，服務好nice，望住個餐牌都忍唔住笑咗出嚟，玩味感極重🤣Brunch set 奉送餐湯，餐飲半價餐湯（特濃蕃茄湯）勁濃郁嘅蕃茄味，每一啖都好似食緊一個蕃茄，味道酸甜酸甜，打開咗要食嘢嘅胃口🤤香煎伊比利豬胺扒 （🌟88.65/100）💲168一嚟到已經好吸睛，手掌咁大嘅豬胺扒煎至金黃色，有一節手指嘅厚度，肉質結實而且嫩滑，近骨位都食唔到有雪味，炸到金黃香脆嘅薯條，係最愛嘅粗薯條😍外脆內軟，炸到好乾身，唔會有一種油膩感，而且食到最後都keep到仲係脆卜卜蟹肉蟹膏忌廉意粉（🌟89.54/100）💲138意粉用咗扁意粉，用咗炒香咗嘅蘑菇，同蟹膏製成，扁意粉十分掛汁，啖啖都食到濃濃嘅蟹膏味，完全唔吝嗇俾好多蟹肉，好鮮甜地心探險記（心太軟）（🌟93.76/100）💲88士多啤梨同藍莓就好似人咁深入心太軟嘅虎穴，心太軟切開朱古力岩漿流出，做到外脆內流心嘅效果，朱古力苦甜苦甜，搭配雲呢拿雪糕，一熱一凍嘅口感，完全唔會覺得膩Apple for my eyes (🌟91.33/100) 💲32星