鮨亭 (Closed)

最近成日都黎屯門，所以有時都會上網發掘下依邊有咩黎，俾我搵到一間都比較隱秘既日式居酒屋。依間居酒屋都比較遠離地鐵，行左一陣先搵到。入到去裝潢都幾別緻，好有日本既居酒屋味道，餐廳既坐位都幾闊落，坐得都舒適。🔹🔸🔹🔸🔹🔸🔹🔸🔹🔸🔹本手返·手握壽司 $380師傅發辦，每日不同。九宮格入面有12件壽司，包括有北海道海膽、三文魚、帆立貝、牡丹蝦、三文魚籽、大拖羅、八爪魚、油甘魚、深海池魚、真鯛、銀鱈魚。全部刺身都好新鮮，好鮮甜，而我最鍾意係大拖羅，脂肪豐富而冇筋，天然嘅魚油脂甘香濃郁，肉質柔潤嫩滑，味道相當美味可口。🔹🔸🔹🔸🔹🔸🔹🔸🔹🔸🔹蟹皇芝士石鍋飯 $128石鍋上面鋪滿左芝士，色澤金黃，散發著奶香味，配合蟹皇既鮮甜，食落好好味，味道唔會太濃，岩岩好，有芝士既香味同埋蟹皇既鮮味。石鍋既米飯又熱又鬆軟，分量都足夠。🔹🔸🔹🔸🔹🔸🔹🔸🔹🔸🔹 雙色玉子棒 $58有2款玉子棒，分別係明太子蝦沙律同埋魷魚沙律。明太子的鹹香味道與蝦肉的鮮甜好夾，而魷魚既肉質都鮮嫩。而玉子棒的口感柔軟，食落都有濃郁既蛋味。 🔹🔸🔹🔸🔹🔸🔹🔸🔹🔸🔹燒雞軟骨串 $58雞軟骨既口感韌而不柴，食落好爽脆，口感好好，好岩用黎配梅酒。