榮少喇沙 (Closed)

我哋今次去咗榮少喇沙，位置十分方便，地鐵站行5分鐘就到😍1️⃣珍寶喇沙 完全冇諗過會咁大份，咁扺食，珍寶喇沙有好多配料，加上份量好足，適合每樣都想試嘅食客😍喇沙湯底好正宗，湯底唔會太重梛奶味，食得出黃薑、香茅嘅風味，似足係星加坡食嘅味道，餐廳有提供不同麵底，亦有比較罕有嘅瀨粉，我好奇揀咗嚟試咗下，完全喜出望外，即使浸咗湯好耐，瀨粉依然好彈牙，加上香口嘅喇沙湯底，口感十分滿足，配料值得一提嘅係豬軟骨，醃得好入味，咬落去肉質軟嫩，仲好癡牙，骨膠原十足，啱曬愛美嘅女士🤤2️⃣脆炸雞排喇沙 湯底同珍寶喇沙一樣咁滋味，驚喜嘅係佢嘅脆炸雞塊，佢應該係新鮮炸起，上菜時熱辣辣，外脆內軟，炸粉好薄，咬開啖啖肉汁，食得出應該用咗嫩滑嘅雞髀肉🤤3️⃣小食拼盤 有齊炸雞翼，春卷，炸蝦餅嘅小食，好大份，每樣都有3件，啱晒同朋友share😍炸雞翼同佢嘅脆炸雞塊一樣咁有水準，炸粉薄，肉質鮮嫩多汁，最impressed 係佢嘅春卷，係原隻鮮蝦，仲好貼心咁包咗紫蘇葉，所以炸完都唔會覺得好油膩🤤最後，餐廳好多人食，如果唔想等位就要早啲嚟食