留民料理

Open Now

Now Closed

今日嚟到屯門置樂花園，次次經過都覺得呢間居酒屋好有特色，店舖散發出嘅唔止係日本風情，內裡應該好特別，終於有機會食喇🥳打開趟門，餐廳內掛滿唔同國家既國旗、日本既海報、廚師係日本參賽既照片、仲有好多支清酒，我想餐廳應該係一間以日本菜作為基礎既多國fusion菜小店。老闆兼大廚，毫無架子，、感覺隨性，一有客人黎到就熱情咁招呼，主動介紹有咩好食～ 原來佢仲曾經得獎呀，令我更加期待佢煮既食物🥳「芥末八爪魚沙律 $52」作為前菜，八爪魚刺係homemade的，用左wasabi作調味，配合每塊新鮮嘅生菜，令我地胃口大開🤩招牌菜「留民串燒拼盤 $98」賣相好吸引呀，雞軟骨炸到脆脆卜，排骨好特別呀，唔係好多居酒屋會有🤣 即刻有返啲香港風味～牛肉串，咬落去牛味溢出。竟然有串鴨腎，切落去好軟腍，食落一啲都唔腥。仲有燒茄子，火候燒得岩岩好，十分juicy。串燒食完唔會好口乾，証明無加過量既調味粉，有盡量運用食材本身既味道😋「野菌黑松露燴飯 $105」用左不同既菇類，包括大啡菇、雞髀菇，意大利黑松露醬同埋白松露烹調而成，難怪菇味如此濃郁，非常好食！😍😍我覺得呢間居酒屋好特別，菜式嘅構思同埋味道，都集中西日既美食