夢の丼 (Closed)

屯馬線開通之後, 真係可以去多好多地方。 今日同朋友過到黎土瓜灣，佢特別介紹要黎這間夢之丼試下。 所以今晚就黎試下啦。 佢對住大馬路既路口, 非常易搵, 一眼就見到。入到去就好有居酒屋既感覺。 一坐底就上味噌湯同沙律菜, 好有日本傳統既版面。我地特登點左2個丼飯, 因為真係好出名。 花錦魚生丼, 剛好有優惠, 真係好抵。 成個飯面都放滿晒角切魚生, 仲有好多魚籽, 熟蛋, 漬蛋, 好多餸味道又好夾。 而且佢下面既飯已經加左特別既豉油醬汁, 撈埋一齊食, 真係好正。夢之丼我估係佢地既招牌丼。 入面有大大隻牡丹蝦, 帶子, 拖羅, 吞拿, 本來仲有海膽, 可惜今日冇貨。 不過都夠鮮啦。 而食這個夢之丼仲配左個特別既柚子醋, 果然超好味。 飲左後再食飯, 真係更加鮮味。仲有磯燒帆立貝, 真係入口即溶, 又鮮甜。法國生蠔, 好少有日本餐廳有咁鮮味既蠔。當然唔少得食刺身: 深海池魚刺身, 牡丹蝦刺身(超大隻又爽口), 左口魚邊壽司。 冇諗過土瓜灣都有咁好水準既日式餐廳。 真係不能錯過。而最特別一提既係佢既廁所。 真係好少餐廳會有咁乾淨既廁所。 超級抵讚。