Video
Read full review
2019-12-02
2321 views
其實小店位置唔算好近我office，但因為有個外賣app每逢8,18,28號會同啲餐廳合作做優惠，呢次我就揀咗山城牛肉麵🍜試下。小店位置都幾隱蔽，喺太子大埔道嗰邊，我自己就比較少經過。店舖大大個招牌，去到就一定望到。餐廳都幾細，望落坐唔到多過20人，出面就貼咗好多餐牌。女店員好熟手，我等咗好快就有外賣拎，佢仲好識做生意咁送張卷俾我下次堂食可以送碗冰粉😍，其實我都幾鍾意食，想試下！我買咗🍜山城牛肉麵(原價$38)，要咗粗麵，少辣。首先令我最為滿意係個麵質，我估唔到隔咗成20分鐘先食，又無將湯同麵分開嘅情況下，麵條完全無淋到，仲幾彈牙爽口，加分。雖然話係粗麵，但實則無話真係特別粗。🐮牛肉粒就唔係好多，大約5嚿到，食落比想像中好食，因為肉唔鞋口，又幾入味，嫌略份量較少，可以多啲同大粒啲。至於湯底呢，我就要咗小辣，驟眼望落碗麵都幾紅，以為會幾辣下🌶。好彩個辣度真係小辣嚟，我成程唔飲水都食得哂個麵。食完無口乾，不過都油油地，兩片生菜🥬直頭索哂油，無食到。碗麵本身有蔥同芫茜，唔啱食記得走咗去。總括嚟講，碗牛肉麵算有驚喜，可能我本身估計未必好啱食，但麵質、牛肉同湯底都唔錯，推介可以試下粗麵。外賣碗望
其實小店位置唔算好近我office，但因為有個外賣app每逢8,18,28號會同啲餐廳合作做優惠，呢次我就揀咗山城牛肉麵🍜試下。小店位置都幾隱蔽，喺太子大埔道嗰邊，我自己就比較少經過。
店舖大大個招牌，去到就一定望到。餐廳都幾細，望落坐唔到多過20人，出面就貼咗好多餐牌。女店員好熟手，我等咗好快就有外賣拎，佢仲好識做生意咁送張卷俾我下次堂食可以送碗冰粉😍，其實我都幾鍾意食，想試下！
我買咗🍜山城牛肉麵(原價$38)，要咗粗麵，少辣。首先令我最為滿意係個麵質，我估唔到隔咗成20分鐘先食，又無將湯同麵分開嘅情況下，麵條完全無淋到，仲幾彈牙爽口，加分。雖然話係粗麵，但實則無話真係特別粗。
山城牛肉麵
$38
60 views
0 likes
0 comments
🐮牛肉粒就唔係好多，大約5嚿到，食落比想像中好食，因為肉唔鞋口，又幾入味，嫌略份量較少，可以多啲同大粒啲。至於湯底呢，我就要咗小辣，驟眼望落碗麵都幾紅，以為會幾辣下🌶。好彩個辣度真係小辣嚟，我成程唔飲水都食得哂個麵。食完無口乾，不過都油油地，兩片生菜🥬直頭索哂油，無食到。碗麵本身有蔥同芫茜，唔啱食記得走咗去。
38 views
0 likes
0 comments
總括嚟講，碗牛肉麵算有驚喜，可能我本身估計未必好啱食，但麵質、牛肉同湯底都唔錯，推介可以試下粗麵。外賣碗望落唔大，但麵量好多，絕對夠飽，估計堂食應該都差唔多掛。拎外賣時，舖頭都有唔少食客，我下次經過都會再嚟食，順便可以換埋個冰粉😛！
Post
