JUST'er Bar & Restaurant

Open Now

Now Closed

好耐之前都去過山林道食野，位置就近尖沙咀之餘又冇咁多人，同時亦不乏餐廳，去到真系吾驚冇野食。JUST’er系山林道一間良心餐廳，之前都聽過佢嘅名，今次終於有機會同朋友去。裡面嘅環境都好有玩味😆真系very mk🤣垃圾八爪魚到底系咩樣架呢？主食嘅名都好搞笑😂MK鰻魚蛋白飯、屬性真龍系奇異花、邪王炎殺黑龍意粉等等，好有創意嘅名。垃圾八爪魚原來即系炸八爪魚，就咁睇個樣以為好一般，原來吾系，仲好好食😍八爪魚系好實在一舊舊好大件，炸得好脆身，食落好邪惡呀😆八爪魚口感爽脆。焗多汁豬肋骨又真系幾多汁🤩本身吾系好中意豬肋骨㗎，不過見呢度系多人推介嘅，所以叫黎試吓。豬肋骨嘅甜味十分足夠，醬汁豐富，肉質有嚼勁。呢度最出名系鰻魚蛋包飯，個賣相都ok，吾算好靚但又不至於太差嘅🤣鰻魚真系好大舊，同埋好多汁好鮮甜。蛋包飯嘅蛋好滑溜，覆蓋成個白飯，連埋嘅鰻魚汁食又系另一份美味。其他飲品都冇話好啱飲，朋友撞啱有啲女人嘅痛症🙊叫咗壺玫瑰花茶。花茶嘅味道向來吾會好差，飲到好天然嘅玫瑰花香味，帶啲好清新嘅甜味。