Curry Bee (Closed)

自從日本返黎從，對日本嘅美食念念不忘，但始終香港嘅日本料理太過港式，食嘅時候只可以叫做頂下癮。山藥呢家野唔係人人喜歡，滑潺潺又似口水又無味道，但我偏偏喜歡到絕頂，每次去日本都必食。某日去Sogo超市買野，經過Bee Japanese Curry Shop多手揭下本menu，竟然俾我發現有山藥蕎麥麵，心諗唔需要煮，難食極有限，就一於試下，整個蕎麥麵係凍食，略嫌蕎麥汁太多有點䶢，麵質煮得唔錯有咬口，加埋田園沙律，醋汁加新鮮蔬菜，刺激味蕾，清清地嘅一餐，果真重拾向日本嘅感覺。黎過幾次主攻山藥蕎麥麵，其他都無乜太大衝動想試。惟獨是有點格格不入，就係waitress全部係不知印傭定菲傭，不過溝通都無任何問題。