樂天大喜屋 (Closed)

樂天大喜屋長時間嘅健康人生偶爾都要唞一唞先至可以平衡到，最好嘅放縱方法就係去啲任飲任食，選擇又多嘅地方🤣講起放題，相信好多人心目中第一個彈出嚟嘅都會係大喜屋，今次就揀咗呢間，喺旺角屹立多年嘅樂天大喜屋～唔係第一次食，但係每次都會好驚嘆，點解呢個價錢可以有咁多選擇，仲要食物質素唔差👍🏻同朋友試匀之後都有共識地覺得幾個類別特別出色。刺身😋淨係食刺身都值回票價，款式多籮籮，牡丹蝦、虎蝦同帶子一定要食！！有份量又夠爽甜；三文魚同油甘魚切得幾厚身，食落肥美；象拔蚌，赤貝爽口鮮美，就連本身唔太食生冷嘢嘅朋友都大讚刺身唔錯！壽司😋鵝肝帶子同芝士鰻魚玉子燒👍🏻👍🏻寫明創作，款式真係出面搵唔到～重點係味道都好夾！另外左口魚邊同海膽手卷都唔錯，前者入口即溶，後者甘香鮮甜，係有少少圖文不符，海膽再多啲就更好啦。炸物😋最經典款式嘅芝麻雞翼、貓山王榴連波、芋頭波，仲有天婦羅系列嘅炸蝦同蟹棒，全部都一定要試！聽落食咁多炸嘢好似好滯，但其實又唔會～粉唔多，油榨得夠乾身，入面舊肉有返咁上下size，完全停唔到口！熱氣還熱氣，食咗先算～反正外面有好多嘢飲任飲消油解膩～煮物😋蟹粥同牛肉鍋貨真價實，成隻蟹喺煲粥入面，可想而