紅磡雞蛋仔

Open Now

Now Closed

其實紅磡雞蛋仔屹立呢區已經至少30年以上，老公細細個已經食佢地，今日再次幫襯主要係想比較一下雞蛋仔邊間好。今日排隊時間約5-10分鐘，我前邊嘅人主要係買班戟，比例大概係六成班戟四成雞蛋仔，遠遠望見芒果班戟餡料十足，前邊啲人個個都會揸住影相。我今日食雞蛋仔，但有啲失望佢唔係即叫即做（以前老店主會即叫即做），現在落咗order 5秒就交到我手上，可能係烘得唔夠耐，又或者放耐咗，雖然仍有餘溫，但係外面一啲都唔脆，有少少失望，但裏面就軟糯有濃濃蛋香，味道都OK。價錢方面，比起其他出邊出名嘅雞蛋仔價錢仍然係好平，$15一底原味雞蛋仔，普通班戟就$11，裏面就係有煉奶同花生醬。總括而言，表現不過不失，性價比仍然係高，但如果可以保留老伯伯嘅功夫就更加好。