Video
Read full review
2009-04-10
12 views
9-4-2009約勁耐無見的朋友 Pr 食飯, 就返佢的「下場」, 0黎到新世紀開餐. 避開悶死人的 Applegreen, 0黎到呢間幾靚裝的印尼餐廳試試. 叫了 2 人餐, 另散叫一塊 roti ($9) share 食.Soup 揀了「椰子南瓜雞湯」: standard「忌廉南瓜湯」的色水, 內裡有一舊舊圓形(雪)雞, 但不論賣相, 質地及味道都好似溝稀了的「走辣椰底咖喱汁」當湯飲, 感覺怪怪的.Salad 揀了加多加多: 蝦片脆卜卜, 微辣, 有點現成 feel, 不過都幾好食; 下面的就唔係好掂, 豆卜無味, 生菜 / 青瓜 / 芽菜爽脆但太濕, and more importantly 花生 dressing 唔夠香又俾得太少了, 食味大打折扣.主菜 #1 咖喱牛腩: 咖喱汁椰味幾重, 帶點花生香, 唔辣, 算幾香; 牛腩幾瘦, 幾韌, 都係黐住點肥的較軟腍較好食.主菜 #2 巴東牛肉: 同佐敦0個間的 (http://www.openrice.com/restaurant/commentdetail.htm?commentid=1945216) 完全唔同味,
約勁耐無見的朋友 Pr 食飯, 就返佢的「下場」, 0黎到新世紀開餐. 避開悶死人的 Applegreen, 0黎到呢間幾靚裝的印尼餐廳試試. 叫了 2 人餐, 另散叫一塊 roti ($9) share 食.
Soup 揀了「椰子南瓜雞湯」: standard「忌廉南瓜湯」的色水, 內裡有一舊舊圓形(雪)雞, 但不論賣相, 質地及味道都好似溝稀了的「走辣椰底咖喱汁」當湯飲, 感覺怪怪的.
Salad 揀了加多加多: 蝦片脆卜卜, 微辣, 有點現成 feel, 不過都幾好食; 下面的就唔係好掂, 豆卜無味, 生菜 / 青瓜 / 芽菜爽脆但太濕, and more importantly 花生 dressing 唔夠香又俾得太少了, 食味大打折扣.
主菜 #1 咖喱牛腩: 咖喱汁椰味幾重, 帶點花生香, 唔辣, 算幾香; 牛腩幾瘦, 幾韌, 都係黐住點肥的較軟腍較好食.
主菜 #2 巴東牛肉: 同佐敦0個間的 (http://www.openrice.com/restaurant/commentdetail.htm?commentid=1945216) 完全唔同味, 呢個得個辣字, 而且味道似咖喱多過似巴東汁, 真奇怪? 牛肉就無咖喱牛腩咁韌, 不過仍然 far from 軟熟, 麻麻0地.
跟餐的澱粉質類要了 1 白飯及 1「椰香飯」(加 $8), 後者的確好濃椰汁味, 食落又鹹又甜, 幾得意.
飲品 #1 要了熱「印尼咖啡」: 點「印尼」法無從考究, 味道對我0黎講似「啡走」, 煉奶味幾重, 幾0岩口味.
飲品 #2 係青檸梳打, 唔知味道如何?
仲有追了 3 次單 + 等了好耐先有得食的 roti: 熱辣辣, 帶淡淡酥油香, 質地幾實淨, 雖然食落唔硬, 但一定唔係「鬆」餅.
食物麻麻, 環境就靚裝又好坐, 不過燈光昏暗關係, 影相好困難 阿姐態度一般, 人手又唔夠, 埋單時仲要連收銀機都壞埋, 好似乜都要等好耐咁, 感覺麻麻.
連加一每人約 $140, 除0左環境之外樣樣都麻麻0地, 無興趣再幫襯了, 下次都係食佐敦0個間算吧.
P.S. 睇著環境及朋友 Pr 份上, 俾個 marginal OK 佢啦.
Post
