露面手工拌麵料理

Open Now

Now Closed

最近發現咗呢間麵店，嘢食真係好有水準，尤其係佢哋嘅手工麵今次我哋叫咗幾款招牌麵，首先講嫩雞白布湯闊麵。湯底清甜鮮美，雞肉嫩滑多汁，啲闊麵就手工拉製，韌性十足又夠幼滑，配埋個香茅香水檸檬茶，清新提神！油潑辣子魯肉BiangBiang麵就最啱重口味嘅朋友，我哋叫咗小辣，辣度啱啱好。魯肉軟綿香濃，啲麵帶勁又有嚼頭，辣子香氣四溢，香而唔嗆，配埋個小吊梨茶，醒胃解膩一流！另外套餐仲配咗個青瓜小食，手拍小青瓜爽脆可口，開胃解膩一流！牛骨湯餃子麵套餐真係十分抵食！牛骨湯熬到濃郁香甜，餃子餡料夠實在，皮薄餡靚。四隻白菜餃嘅餡料夠爽口，皮就薄得剔透最後講埋個西施燉蛋，質地滑如豆腐花，蛋香味十足整體嚟講，呢度嘅嘢食真係水準之作，最緊要係覺得好有誠意。店面雖然細細，但勝在清潔企理，啲嘢食上枱都快，服務態度都幾好。