掌門精釀啤酒

Open Now

Now Closed

朋友想啤一啤，於是帶咗我嚟呢間位於尖沙咀嘅酒吧。可惜夜晚有嘢做唔飲得酒，所以我食下晚飯就算。食物餐牌以炸物為主。我哋試咗掌門出招拼盤、脆皮啤酒豬手，同埋鹽酥雞。我自己覺得所有嘢又鹹又乾，不過朋友送酒食得好開心。好彩呢度仲有啲非酒精飲品，我就揀咗一杯「大紅」。有氣水果茶感覺上好健康，但咩裝飾都冇就單調咗啲。作為酒吧飲酒當然一流，但我會講晚飯亦係一般酒吧水準。近年都有唔少酒吧食物質素奇高，若非要飲手工啤，我諗有其他更好選擇。