Bread and Bistro (Closed)

去海洋公園玩，FD話想食pancake，在OP上搵到哩間cafe都幾近海洋公園，咁來試試啦。從海洋公園出來坐一個站到黃竹坑站，離開地鐵站5分鐘，位置算就腳。鋪頭裝修喺工業風，都幾啱打卡。因為唔是好肚餓，揀咗牛油果蟹肉沙律同焦糖香蕉口味pancake，要減肥，飲水就OK啦。牛油果蟹肉沙律品種都幾豐富，有車釐茄，火箭菜，綠甘藍，紫甘藍，生菜，牛油果，炸薯角同蟹肉。蟹肉分量好大，同沙律菜撈埋一齊，都食到唔少蟹肉。沙律醬用左油醋汁，食落好健康唔會滯。好鐘意食甘藍菜，味道好特別同埋好脆口，FD就唔喺更鐘意甘藍菜D味道，全部比我食哂食到好飽添。焦糖香蕉口味pancake好大一碟，擺盤幾靚，一份有3大件pancake。Pancake整得好鬆軟，食落蛋味好足。搭配啲cream好輕盈，食落真喺唔會好滯。焦糖香蕉超好味，每一件香蕉上面都有焦糖薄脆，食落好脆口同埋好重焦糖味，同pancake一齊食真喺超滿足。好快已經食哂成份pancake，完全唔夠喉，早知道更好味應該叫多一份食。食完加吹水都坐咗差唔多個半鐘，哩間鋪頭完全冇趕客，仲不停加水添，以後再去海洋公園完，一定要encore哩間鋪頭！