Kosmo Wellness Café (Closed)

說的是今早的情況，晨咁早俾老細call醒左，在十點前要搞掂工作。為爭取時間，來這裡找她一起傾，因為佢正在隔離gym 緊。朝早八點，係無人咁滯。要傾野，當然坐上層，環境也算不俗，尤其坐在露台的位置，雖然出面車來車往，沙塵滾滾，但都叫有景。早餐仍舊是以前的三選一，價錢好似貴左，因為最貴來款連咖啡要46蚊，仲要自己serve自己喎！無可選擇下事但叫了一款，簡單一點，是麥片加半片香蕉蛋糕，同咖啡。食物是例牌到唔例牌的，不值得花筆墨去評味道。杯咖啡亦是例牌貸，唔香，水準以下。鬼婆要了個鬆餅及一杯茶，看樣子也是普通貨色。我那份早餐，要36蚊，健康是好健康，但就完全唔值呢個價錢。有得揀的話，去樂香園飲鴛鴦食個菠蘿包及肉批正好多。