Moreish & Malt (鴻圖道) (Closed)

係ＥＭＡＸ睇完戲就渣車黎左觀塘睇下有咩食，因為今日是星期日關係，所以好多食店都關門。兜左２個圈，係鴻圖道十字路口位比我發現咗一間裝修好舒服嘅西餐，入去之前上黎望望，原來仲入圍咗「全港必吃食店」選舉。香辣吞拿魚藜麥沙律：吞拿魚好靚呀燒得，個心仲係粉紅色，沙律係我最愛的香醋汁，好清新，加埋一粒粒既藜麥，令口感更加豐富！小食拼盤：入面既水牛城雞翼辣辣地好入味，唔係一味得個辣字！咬真Ｄ佢既肉仲好香，我食到停唔到！美國肉眼排：牛排係每次食西餐必點之選，六成咬落去好ｊｕｉｃｙ，不過我最鍾意既係配菜，牛油炒甜豆，配菜通常最唔起眼既，不過我食第一條既時候，已經不停叉不停叉，仲想要多兜添，真係要賣過關子，你地自己去食一個就知有幾正幾好味心太軟：係我最鍾意食既甜品，如果間店度有，我都一定會揀佢，今次配既雪糕係自家製ｒａｍ酒堤子味，一邊食一邊有淡淡ｒａｍ酒味，加上又有"口趙"口堤子，好想叫老闆比我外賣一球番屋企慢慢嘆！餐廳環境真心抵讚，好好好好舒服，下次可以黎ｈａｐｐｙ　ｈｏｕｒ。