和藏 (Closed)

友人介紹這間超間位於葵興工廠區的海鮮自動餐，今晚相約朋友專程來到品嚐，呢間自助餐好大，好寛敞，樓底高甚有空間感。來到當然要食海鮮自助餐，個人覺得凍蝦、青口、蟹肉都新鮮好吃，長腳蟹好食係推介，鮮甜到無比。生蠔唔係最頂級，但新鮮有蠔味，食蠔會值回票價。D熱盤，我最愛呢個燒牛排，D牛排好有牛味加埋D甜洋蔥，好Match。另外有碳燒三文魚鯺，燒到魚油出晒，咁香豐膄，加埋D甜甜燒汁，同魚味夾到震。另外當晚的蒸蛋亦十分滑溜，好正。食唔飽，重可以去自助Bar 取食材打邊爐，照顧周到。甜品方面，泡芙好吃，還有果凍和豆腐花(好滑好有豆味)都不錯，應有的美食和飲品都有，難得工廠區有咁好的自助餐食，下次會再來！