Video
Read full review
2017-07-20
399 views
今晚阿媽話唔想煮飯，入嚟觀塘同我食飯喎! 我就帶佢嚟Sunprime Cafe食西餐，唔好成日食中菜啦~ 平時餐廳會喺面書更新午餐餐牌，睇啱就同同事過黎食; 但晚餐就冇放上面書，唯有上Openrice睇。呢度有散點，亦有晚市套餐。晚市套餐都幾彈性，加錢就可以選擇唔同餐湯、飲品同甜品，我地就揀左晚餐。【頭盤】自家製三文魚拼盤(茴香黑椒三文魚、自家醃製三文魚、田園沙律)，擺碟用心，顏色望落都好靚。田園沙律用左黑醋汁，但又略帶甜味，好開胃。【餐湯】每日餐湯，今日係菠菜忌廉湯，另加＄15就可以轉香濃野菌湯、法式洋蔥湯或龍蝦忌廉湯。我地都好鍾意飲龍蝦忌廉湯架，一於叫!上枱時已聞到好香龍蝦湯味，飲落都好濃郁好鮮甜。最驚喜係加左蟹肉落去，龍蝦加上蟹，鮮味倍增。【主菜】秘製鴨胸拼法式油浸鴨脾(配炒田園雜菜、薯蓉、紅酒汁)＄230秘製鴨胸，唔會好似一般鴨胸咁乾身，鴨胸都可以煮到咁多肉汁，正!法式油浸鴨脾，呢個菜製作需時，所以出面食價錢都唔平架。鴨脾要預先經過鹽醃，然後再封存喺油面，最少都要好幾日時間，唔係好多餐廳肯做，難得遇到，應該要一試。鴨皮煎得香脆，而鴨肉係好軟腍，輕輕一扯已經骨肉分離。【主菜】美國
呢度有散點，亦有晚市套餐。晚市套餐都幾彈性，加錢就可以選擇唔同餐湯、飲品同甜品，我地就揀左晚餐。
【頭盤】自家製三文魚拼盤(茴香黑椒三文魚、自家醃製三文魚、田園沙律)，擺碟用心，顏色望落都好靚。田園沙律用左黑醋汁，但又略帶甜味，好開胃。
【餐湯】每日餐湯，今日係菠菜忌廉湯，另加＄15就可以轉香濃野菌湯、法式洋蔥湯或龍蝦忌廉湯。我地都好鍾意飲龍蝦忌廉湯架，一於叫!上枱時已聞到好香龍蝦湯味，飲落都好濃郁好鮮甜。
最驚喜係加左蟹肉落去，龍蝦加上蟹，鮮味倍增。
【主菜】秘製鴨胸拼法式油浸鴨脾(配炒田園雜菜、薯蓉、紅酒汁)＄230
秘製鴨胸，唔會好似一般鴨胸咁乾身，鴨胸都可以煮到咁多肉汁，正!
法式油浸鴨脾，呢個菜製作需時，所以出面食價錢都唔平架。鴨脾要預先經過鹽醃，然後再封存喺油面，最少都要好幾日時間，唔係好多餐廳肯做，難得遇到，應該要一試。鴨皮煎得香脆，而鴨肉係好軟腍，輕輕一扯已經骨肉分離。
【主菜】美國一級牛小排＄248
已經預先切成一片片，方便食用。一啖一片，顏色都好粉嫩，完全冇渣。
而炒菠菜雖然夠味，但口感粗嚡，有渣。
【餐飲】可以加錢轉特色飲品，朱古力咖啡(+$8) - 朱古力味濃，但咖啡味略嫌不足，兩種味道唔太平均。
【餐飲】自家製朱古力特飲(+$8) - 朱古力味特別香醇濃厚，唔係用普通朱古力粉沖，係用朱古力磨成，甜中帶一點苦，必試之選。
【甜品】可以喺甜品個餐牌度揀任何甜品，補返個差價就得(套餐甜品以$20算)! 朱古力心太軟配雲呢拿雪糕(+$28)
完全做到流心效果
焦糖栗子法式班戟配栗子雪糕(+$48)，班戟煎得好香脆，仲配上粒粒焦糖栗子同好少見嘅栗子雪糕。
【服務】點菜時店員會詳細講解餐牌，上菜時亦會介紹每款菜式，餐後又會詢問客人意見，服務周到貼心。
【環境】同出面嘅工廈格局截然不同，地方好寬敞，每張枱都相隔一定距離，空間感十足。
Post
