Video
Read full review
2024-09-25
402 views
觀塘一向美食雲集，工廈上面收埋唔少抵食餐廳！呢間台式小店超受附近打工仔歡迎，喺呢頭附近返工晏晝想嗌，可以WhatsApp📲落定單，嚟到直接可以拎！小店主打牛肉麵、便當同蛋餅，味道正宗而且價錢唔貴，性價比超高，唔怪得平日晚市嚟都咁爆場！-——————————————🥘◖牛三寶麵◗ $80牛三寶有牛腱、牛筋同牛肋條，牛肉份量超足，特別鍾意個牛腱，筋肉相間，食落超黏口！湯底夠清，而且牛肉味濃郁，配上刀削麵底，麵條索晒啲湯汁，有咬口但略嫌有少少酸味，整體都唔錯～🍱◖炸排骨便當◗ $62大大嚿炸排骨，配上滷肉飯，仲有啲酸菜同滷蛋，一啖飯落去超滿足！炸排骨酥脆，炸皮唔會好厚，肉質食落都唔柴，不錯！🐓◖炸鹽酥雞◗ $48鹽酥雞酥脆香口，仲可以根據個人口味瘋狂加鹽酥粉，夠晒惹味！🫔◖芋泥肉鬆蛋捲餅◗ $42呢個係新推出嘅蛋餅，係最愛嘅芋泥肉鬆組合😍，鍾意佢個蛋餅皮，蛋味濃郁得嚟帶少少煙靭嘅口感，芋泥甜甜地口感細滑，加上鹹香嘅肉鬆，鹹甜鹹甜咁，味道同口感都一流，必食！🧋◖冬瓜茶◗ $10🧋◖黑糖珍珠鮮奶◗ $34兩杯都叫咗少甜少冰，冬瓜茶好香，飲落甜度啱啱好；珍奶開頭飲到啲黑糖，頭幾啖會偏甜，啖啖珍珠好
-——————————————
🥘◖牛三寶麵◗ $80
牛三寶有牛腱、牛筋同牛肋條，牛肉份量超足，特別鍾意個牛腱，筋肉相間，食落超黏口！湯底夠清，而且牛肉味濃郁，配上刀削麵底，麵條索晒啲湯汁，有咬口但略嫌有少少酸味，整體都唔錯～
🍱◖炸排骨便當◗ $62
大大嚿炸排骨，配上滷肉飯，仲有啲酸菜同滷蛋，一啖飯落去超滿足！炸排骨酥脆，炸皮唔會好厚，肉質食落都唔柴，不錯！
🐓◖炸鹽酥雞◗ $48
鹽酥雞酥脆香口，仲可以根據個人口味瘋狂加鹽酥粉，夠晒惹味！
🫔◖芋泥肉鬆蛋捲餅◗ $42
呢個係新推出嘅蛋餅，係最愛嘅芋泥肉鬆組合😍，鍾意佢個蛋餅皮，蛋味濃郁得嚟帶少少煙靭嘅口感，芋泥甜甜地口感細滑，加上鹹香嘅肉鬆，鹹甜鹹甜咁，味道同口感都一流，必食！
🧋◖冬瓜茶◗ $10
🧋◖黑糖珍珠鮮奶◗ $34
兩杯都叫咗少甜少冰，冬瓜茶好香，飲落甜度啱啱好；珍奶開頭飲到啲黑糖，頭幾啖會偏甜，啖啖珍珠好有咬口，整體會係冬瓜茶略勝一籌～
🌟Encore指數：8.7/10
Post
