Video
Read full review
2019-03-29
5455 views
星期六又同隻佬周圍搵食，今日佢收晏，我係開飯見到佢隔離座既餐廳好似唔錯，就會下佢喇 !! 差唔多2點上到黎，首先位置係 Open Kitchen，再入去座位範圍，都算多人，侍應俾左窗邊位我地，好開揚既感覺。我睇開飯完來呢道係社企，所以我感覺係唔錯 !!Anyway，坐底冇耐就梗係開始點餐啦 !! 好餓呀 ~~ 我地選左 雞肉丸茄蓉意粉同埋12"辣肉腸焗芝士薄餅，咁我就問今日餐湯係乜...侍應妹妹答我甘荀南瓜薑汁湯，我問佢可唔可以轉野。本人甘荀/紅羅白敏感...諗住唔飲都 ok，咪多口問句囉 !! 侍應妹妹好好呀 ~~ 佢話幫我轉沙律 !! Thanks a lot !! 我仲加左兩隻雞翼添 ~~ 呵 !!隻佬既甘荀南瓜薑汁湯，佢話薑味好重，反而飲唔到其他既味 ~~ 但佢覺得都好味，都有唔少纖維 !!呢個驚喜呀，估唔到咁大碟 !! 我以為係一細兜架咋 ~ 所有既菜都好新鮮，個醋汁係我鍾意既濃醋 !! 醒一醒胃 ~~ 不錯 !!仲有每人一塊蒜蓉包 ~ 好脆 !開始黎主菜喇，先黎雞肉丸茄蓉意粉，個雞肉丸咬落去都唔太散，不錯 !! 唔似混左其他野，雞味算濃，唔口渴 !! 意粉軟硬適中，個茄汁唔
差唔多2點上到黎，首先位置係 Open Kitchen，再入去座位範圍，都算多人，侍應俾左窗邊位我地，好開揚既感覺。我睇開飯完來呢道係社企，所以我感覺係唔錯 !!
Anyway，坐底冇耐就梗係開始點餐啦 !! 好餓呀 ~~ 我地選左 雞肉丸茄蓉意粉同埋12"辣肉腸焗芝士薄餅，咁我就問今日餐湯係乜...侍應妹妹答我甘荀南瓜薑汁湯，我問佢可唔可以轉野。本人甘荀/紅羅白敏感...諗住唔飲都 ok，咪多口問句囉 !! 侍應妹妹好好呀 ~~ 佢話幫我轉沙律 !! Thanks a lot !! 我仲加左兩隻雞翼添 ~~ 呵 !!
隻佬既甘荀南瓜薑汁湯，佢話薑味好重，反而飲唔到其他既味 ~~ 但佢覺得都好味，都有唔少纖維 !!
呢個驚喜呀，估唔到咁大碟 !! 我以為係一細兜架咋 ~ 所有既菜都好新鮮，個醋汁係我鍾意既濃醋 !! 醒一醒胃 ~~ 不錯 !!
仲有每人一塊蒜蓉包 ~ 好脆 !
開始黎主菜喇，先黎雞肉丸茄蓉意粉，個雞肉丸咬落去都唔太散，不錯 !! 唔似混左其他野，雞味算濃，唔口渴 !! 意粉軟硬適中，個茄汁唔會死甜死酸，幾好 !! 份量唔太多，如果男士食就應該唔夠喇 !!
反而個 12"辣肉腸焗芝士薄餅 就好足料，男士食應該會飽到上頸 !! 哈哈 ~~ 個人覺得芝士太多，要快快食 !! 唔係會覺得好滯下 ~ 味道唔錯，個辣肉腸咸味夠，個餅底都好脆身，我覺得個茄汁唔夠 !! 如果多D就好喇 ~~
呢兩隻係黑松露蜜糖雞翼，依家坊間都真係乜都係松露 !! 哈哈 ~~ 其實我食唔出，聞都係好少 !! 但蜜糖燒雞翼我鍾意 ~~ 呵 !!
食完D咁滯既野，梗係叫兩杯熱茶啦 !! 我叫左洋甘菊，而隻佬叫左茉莉花，消消滯 !!
Post
