Boon (Moved) New Location

食好嘢靠朋友‼️今次又係友人介紹，嚟到𠵱間位於觀塘工廈嘅法日fusion 餐廳，渡過好chill嘅晚上🌃-我哋嗌咗:-🔸前菜🔸日本直送炸蠔($58)地獄式嘅脆香炸物加上沙律醬，本就難以抗拒，加上佢嘅炸粉薄身，蠔肉好肥美🦪，保持鮮嫩口感，咬落少少海鮮甜味，好滿足。🔹主菜🔹鰹魚熟成封門柳配紫菜薯蓉昆布牛油汁（$168）牛肉色澤鮮嫩，邊位脆口，中心部分軟綿綿、生熟度恰到好處，肉味唔算好濃，但配搭層次豐富、有和風感覺嘅薯蓉、椰菜花同埋清甜小洋蔥一齊食，又幾清新，唔會有一般食肉嘅飽滯感。-蟹肉蟹膏意大利麵（$128）𠵱個最冇得輸係佢嘅鮮味十足，又完全唔腥，蟹肉大大條，蟹膏creamy，配搭彈牙意粉，根本無需多餘調味已令人清碟。🔺甜品🔺法式多士（$88)香軟，唔會成嚿多士都好淋，邊位有啲硬身，增強口感。面頭有啲玫瑰🌹乾碎碎，微酸，中和甜椰椰feel。佢個糖漿似靚嘢，非死甜，有花香，進一步為你帶來幸福滋味💖🔸飲品🔸芒果乳酪沙冰（$58）份量足，唔過甜，幾開胃🤘🏻最後要讚係環境骨子，乾淨企理有品味，乾花擺設同小巧木桌椅，加上店員親切有禮，令人感覺舒服😌同放鬆🥰咁嘅價錢有fine dining 感覺，抵呀