小伊甸 (Closed)

係lunch hour早少少去食，所以一入到去就搵到位。首先講下佢個menu先，真係好有誠意，星期一至六嘅Lunch set 都係賣唔同嘅set，每日有大概5款lunch set揀，每日食都會有驚喜。試咗個花枝丸拼貢丸手工麵，啲丸都幾香同彈牙，但又冇話超好食，手工麵係闊條麵，少少煙韌。碗麵都算足料。最抵食係每個lunch set 都會送台灣手搖飲品，我飲咗個蜂蜜綠茶，可能係因為我本身都唔好甜，所以25％都好夠，一個麵加飲品賣單都係$50，食到飽一飽。