漁吉海鮮丼專門店

Open Now

Now Closed

呢排天氣咁熱，食丼飯真係一個好選擇，係牛頭角揀咗呢間丼飯外賣。丼飯就已經set好晒冇得自選配料，不過仲有刺身，手卷同壽司揀。豪快海鮮丼 ($128)呢個丼飯材料豐富，同埋刺身都係厚身😍有三文魚，油甘魚，帆立貝，甜蝦，吞拿魚同蟹籽。刺身新鮮而且溶雪都做得唔錯，三文魚同油甘魚都肥美有油脂。另外蟹籽鋪滿碗飯，食落爽爽地。仲有舊玉子，玉子好甜好好食！呢度既飯用咗珍珠米，醋飯黎講唔算好酸。比目帆立丼 ($168)呢個丼算係火炙組口，有左口魚裙邊，帆立貝，三文魚籽同蟹籽。左口魚裙邊同帆立貝既份量都唔少，而且帆立貝好大粒，鮮甜有厚度。火炙過既左口魚裙邊超正，啲油脂勁香，入口即溶，冇得頂🤩。