時代冰室 (環球工商大廈) (Closed)

喺九龍灣行完, 當然要搵食啦。 今次支持吓燒山。雖然係茶餐廳, 但都等咗成 15 分鐘左右。 入店前都係指定動作先可以入座。喱個海南雞飯, 配嘅係油飯, 飯好有香茅同雞油味, 但食到一半, 就會覺得偏咸咗少少, 而且有啲寡, 雞方面, 雞肉都算嫩滑, 但唔係非常 juicy, 配有少少菜同一碗湯, 當日係葛湯, 同埋三款平時食海南雞都會有嘅醬, 分別係豉油膏、薑蓉同蒜蓉辣醬, 喱三隻醬都好好味, 豉油膏甜甜地咁, 令雞除咗咸味仲有啲甜味, 薑蓉因為有少少油, 所以令雞肉更滑而且帶有少許薑嘅清香味, 最後, 亦係我喱個唔食辣嘅人都覺得不錯嘅蒜蓉辣醬, 辣味香而辛, 但係可接受, 再加埋有啲蒜味, 更香。   以下係極尚 ． 濃花膠滑雞湯配泡飯, 飯係硬飯, 適合做泡飯, 湯好清甜, 帶有雞味, 同時因為有菜, 所以有菜嘅甜味, 可能店家有隔過雞油, 唔會太油膩, 雞同花膠份量都算多, 花膠軟, 但有趙口, 唔會煲到淋晒一 pat pat, 雞可能因為煲完湯, 所以好易就骨肉分離, 而且算嫩, 雞味亦濃, 配埋飯食味道同口感都相當不俗。   飲品方面, 直得一讚嘅係, 店家用有真空隔層嘅銻