Go Inside Kitchen (Closed)

今日又試下喺工廈食個靚午餐先，位於觀塘之間go Inside kitchen 做到街知巷聞，評價唔錯。 set lunch 嘅選擇甚多，有平有貴，但比起晚餐嚟講算係平好多。 個餐配咗一塊蒜蓉包同埋餐湯。蒜蓉包焗度好香脆，充滿蒜蓉味。而湯係南瓜湯，加咗少少薑蓉， 清甜南瓜味亦帶點刺激。 套餐加左餐前小食，焗蠔。蠔做得非常出色，芝士味龍郁，蠔鮮甜多汁，但細隻左啲。 蜜糖烤雞翼， 烤得好脆好香，食落甜甜地但惹味，雞肉幼嫩多汁。 主菜叫咗美國安格斯肉眼扒五成熟，醬汁就麻麻，但塊扒做得好香，牛肉軟淋有嚼勁，充滿牛嘅汁香油香，肉味滿溢，薯條不過不失。 煎三文魚，個魚皮做得好脆，好好味好香。而三文魚， 肉質夠嫩，味道熟度剛好，最重要係每啖魚油香入口溶化，充滿邪惡咁。 食完煮食仲可以試埋佢啲甜品，泡芙應該都係入口貨嘅 味道不過不失。 最後嘆埋杯餐飲凍咖啡，成餐飯就滿足曬。