Video
Read full review
2020-03-18
182 views
同事推介有間喺荔枝角工廈嘅西餐廳唔錯，我同朋友就一於襯星期五晚放工去試下。餐廳位於好多好西食嘅億利工業中心入面，一出七樓就見到，完全唔使搵😂。一入到去就見到個心心花環，應該係之前情人節嘅裝飾❤️。店員安排我哋入座後，隨即幫我哋量體溫同提供消毒搓手液，相當注重衛生👍。我哋七點半到達餐廳，好好彩哋可以坐喺窗口位😊。無幾耐，餐廳都已經坐滿人。環境方面，工廈餐廳嚟講佢真係夠體面，裝修幾靚，用上唔少藍白玫瑰花作點綴，燈光亦有氣氛；甚至連枱頭嘅蠟燭座都夠哂特別🕯️。餐廳有提供Dinner Set，可以揀幾個Course咁，但唔係特別啱食，所以最終散叫。本身見單點同晚市餐牌都無豬手，得午市先有，不過問問店員之下，原來係可以嗌的，Wow👏。定價方面，我認為屬中上水平。芹菜頭湯($68)，見好似幾特別咁，就叫嚟試下，完全估唔到上碟係咁打卡Able📸。上面藍色泡泡嘅係北海道牛奶Mix番茜，下面就係芹菜湯。本身驚芹菜會唔會好大浸草青味，點知無，反而仲清清哋，味道唔錯。特濃蕃茄湯($68)，呢個係是日餐湯，味道就同芹菜湯相反，🥫蕃茄味比較濃，酸酸哋，但唔會太過份，飲完幾醒神。而且中間加咗幾粒麵包糠，令到成個湯無咁
同事推介有間喺荔枝角工廈嘅西餐廳唔錯，我同朋友就一於襯星期五晚放工去試下。餐廳位於好多好西食嘅億利工業中心入面，一出七樓就見到，完全唔使搵😂。
一入到去就見到個心心花環，應該係之前情人節嘅裝飾❤️。
店員安排我哋入座後，隨即幫我哋量體溫同提供消毒搓手液，相當注重衛生👍。
我哋七點半到達餐廳，好好彩哋可以坐喺窗口位😊。無幾耐，餐廳都已經坐滿人。
環境方面，工廈餐廳嚟講佢真係夠體面，裝修幾靚，用上唔少藍白玫瑰花作點綴，燈光亦有氣氛；甚至連枱頭嘅蠟燭座都夠哂特別🕯️。
餐廳有提供Dinner Set，可以揀幾個Course咁，但唔係特別啱食，所以最終散叫。本身見單點同晚市餐牌都無豬手，得午市先有，不過問問店員之下，原來係可以嗌的，Wow👏。定價方面，我認為屬中上水平。
芹菜頭湯
$68
9 views
0 likes
0 comments
特濃蕃茄湯($68)，呢個係是日餐湯，味道就同芹菜湯相反，🥫蕃茄味比較濃，酸酸哋，但唔會太過份，飲完幾醒神。而且中間加咗幾粒麵包糠，令到成個湯無咁單調。
隨湯奉上嘅餐包🥖非常唔錯，特別係圓形嗰包，好鬆軟，我哋Encore咗一籃🙊。
西柚青瓜沙律配大葉汁
$88
5 views
0 likes
0 comments
德國咸豬手拼酸椰菜($168)，呢個係朋友點名嗌的，賣相都幾吸引。我最欣賞嘅係呢份🐷豬手無骨，已經厚切好哂一片片，不過如果豬皮脆啲會更佳。我自己本身就一般伴豬手嘅酸椰菜，因為太酸了；但好彩呢到嘅伴碟仲有薯條🍟，好脆好好食。
海鮮龍蝦汁扁意粉($218)，🦞龍蝦汁幾香，海鮮就有蝦、青口同魷魚等，處理得好乾淨，但如果有少少龍蝦肉會更正🤣，扁意粉口感亦都OK，份量正正常常。
栗子撻
$48
33 views
0 likes
0 comments
朱古力心太軟
$68
9 views
0 likes
0 comments
朱古力心太軟
$68
4 views
0 likes
0 comments
總括嚟講，呢間西餐廳都唔錯，特別係氛圍同服務方面。店員好有禮貌，上菜時會作簡單介紹；而且我見佢哋幫客人影相時，仲會主動幫手打燈哈哈😝。最後，我發現餐廳係撐香港人的店💛。
Post
