AGE Cuisine Express (Moved) New Location

太古地段，晚餐選擇極多。不過今日就特別少少，去工廠大廈區鋸扒。雖然係工廈，但門面同裝修並唔曳，光鮮整潔。晚餐我地二人就叫左一個dinner set，散叫一個意粉同沙律。羅馬生菜好鮮甜，煙三文魚都幾肥美，作為開胃前菜唔錯。餐湯，味道有點似龍蝦湯，但入口唔會太咸。黑松露意粉令我有驚喜，意粉軟硬適中，黑松露又香氣四溢，忌廉份量恰當、唔會太膩，水準唔錯。安格斯牛柳，牛肉味一定無肉眼扒咁濃厚，但佢非常嫩滑，幾近入口即溶，綿滑牛肉口感，回味無窮。個Dinner set意大利甜品唔知係咩名堂，不過非常好食，上半部分似雪糕，下半部分似cheese cake，冰凍香甜。最後埋單$514，以佢食物質素而言，價錢唔算貴，算定價公道。