茶餐廳2.0 (Closed)

👍🏻咖喱滑雞農夫包 $63咖喱係港式咖喱，辣辣地幾惹味上面鋪咗芝士，類似平時芝士焗飯嗰種芝士味唔算好濃但有鹹香，拉絲煙韌農夫包超巨型！外面脆卜卜好似餅乾咁裏面麵包軟熟，一路食啲麵包碎跌到周圍都係😂咖喱滑雞其實係煎雞扒切粒，肉質嫩滑雞扒都幾多舊，仲有薯仔、洋蔥、青紅椒同菇片最正係咖喱餡份量唔少，唔會淨食麵包塞飽咗🤣啲咖喱足夠點晒成個巨型麵包，抵食🤪味道：8/10性價比：9/10-👍🏻吉列芝士夾心豚柳咖喱蛋包飯 $70吉列豬柳炸粉唔會好厚，外層酥脆豬柳厚身，肉質偏瘦，中間包住火腿同芝士一切開就咇哂芝士出嚟😎芝士稠身有啲似乳酪咁，帶少少酸味咖喱係日式咖喱，質地濃稠甜甜地蛋包飯係珍珠米上蓋上旋風滑蛋滑蛋唔會過熟，仲有少少蛋汁，但略嫌差咁啲蛋香滑蛋同飯都超多，成座山咁好誇張😂味道：7/10性價比：7/10-👍🏻西多士(包嘢飲) $33西多士又係超級大份！大塊又厚身，一上枱真係嚇親😳即叫即炸，金黃香脆脹卜卜，面頭一大舊牛油好快熱到溶咗麵包外脆內軟，中間夾住花生醬雖然唔係好多醬，但都好夠味😙下午茶包嘢飲一樣大大杯味道：8/10性價比：9/10-整體味道係正常茶記水平，但環境乾淨坐得舒服而且樣樣都超大