銀咖哩 (Closed)

天寒地凍，想食啲辣嘢暖暖身，所以選了此店。見到收銀處掛住咖哩芝士漢堡飯，二話不說就叫了一個，再加親子烏冬(因為怕個漢堡太漏，另一個餐就唔選咖哩)。咖喱芝士漢堡飯卒先上桌，見到真身時，真的被漢堡的份量嚇親，塊漢堡又大又厚，完全蓋過整碟飯。由於係日式咖喱關係，啲咖喱味唔濃，民是微甜，但個漢堡扒內有黑椒，所以食食吓都有啲辣，啲芝士略嫌唔夠 creamy .由於塊扒真係好大，唔夠飯送扒，如果可以，應該加底。兩個人食完漢堡扒都有啲飽，所以都冇咩心情細味個親子烏冬，只記得個烏冬中規中距。