Video
Read full review
2016-06-12
1271 views
早前係網上見到黃埔開左間新既韓國餐廳，仲有巨型既飯卷食，就趁住星期六放假同朋友過黎行街，順便試下呢間新餐廳啦。唔知係咪因為係網上做過宣傳既原故，未到7點已經有等位，好在我地人少，所以好快就有位啦。睇過餐牌之後，發現餐牌上大部分食物同係飯卷同飯團，咁呢兩樣野都應該幾出面架啦，就叫左一份飯卷同一個冷麵試下啦。落單後無耐，店員就俾左一小碟小食我地，似係醃蘿蔔加魚糕既野。過左一陣，冷麵就到啦。韓式泡菜冷麵: 上菜時好冰凍，因為個麵都落左唔少冰，冷麵係用蕎麥麵，放係一個好重泡菜味既湯底到，加左隻蛋同埋少量紙菜整成。湯底好香口，食落好開胃又唔辣，唔錯。食到一半，飯卷就到啦。其實由細到大我都一直以為韓式飯卷都係叫左壽司，原來呢種叫法係錯架。壽司(sushi) 同飯卷(gimbab) 主要分別在於飯既調味方面 ， 壽司飯用米醋調味，而紫菜飯卷既飯用麻油 + 鹽調味。我地叫既飯卷係辣椒炭燒豬肉紫菜飯卷，點解呢? 原因係因為見到炭燒豬肉紫菜飯卷係Signature dish，但係因為喜歡食辣，想試下呢款加左辣椒既飯卷。一份飯卷有足足十件，聽落唔係好多，但係原來一件既直徑都有成3個一蚊銀咁長架，裡面有日本蘿
唔知係咪因為係網上做過宣傳既原故，未到7點已經有等位，好在我地人少，所以好快就有位啦。
睇過餐牌之後，發現餐牌上大部分食物同係飯卷同飯團，咁呢兩樣野都應該幾出面架啦，就叫左一份飯卷同一個冷麵試下啦。
落單後無耐，店員就俾左一小碟小食我地，似係醃蘿蔔加魚糕既野。
過左一陣，冷麵就到啦。
韓式泡菜冷麵: 上菜時好冰凍，因為個麵都落左唔少冰，冷麵係用蕎麥麵，放係一個好重泡菜味既湯底到，加左隻蛋同埋少量紙菜整成。湯底好香口，食落好開胃又唔辣，唔錯。
食到一半，飯卷就到啦。其實由細到大我都一直以為韓式飯卷都係叫左壽司，原來呢種叫法係錯架。壽司(sushi) 同飯卷(gimbab) 主要分別在於飯既調味方面 ， 壽司飯用米醋調味，而紫菜飯卷既飯用麻油 + 鹽調味。
我地叫既飯卷係辣椒炭燒豬肉紫菜飯卷，點解呢? 原因係因為見到炭燒豬肉紫菜飯卷係Signature dish，但係因為喜歡食辣，想試下呢款加左辣椒既飯卷。一份飯卷有足足十件，聽落唔係好多，但係原來一件既直徑都有成3個一蚊銀咁長架，裡面有日本蘿蔔，蛋，蟹柳，紅蘿蔔，燒豬肉同埋辣椒。
燒豬肉幾香炭火味，口感幾乾身，同其他材料一齊食口感好特別，起初同辣椒一齊食既時候完全唔覺得辣，但係越食會越辣架，可惜餐廳既水要另外加錢要，咁唯有飲住免費提供既湯先啦。
D 湯飲落似係味噌湯，幾重胡椒同蘿蔔味，但係因為比較熱既關係，完全解唔到辣。整體黎講呢到食物都環境都唔錯，如果清水可以唔另外Charge客人既話，感覺上會更加好。
Post
