果子｜海南雞飯·喇沙摻摻 (啟昌樓) (Closed)

未入門口已經比火山包的海報吸引了, 所以首先叫了一個軟殼蟹火山包.**店員溫馨提示醬汁要趁熱淋上，並且保留部份用來沾面包食. ** 辣蟹醬汁香濃，不會太辣，又有蛋花，增加顏色和口感.火山包的size非常大, 兩個人食都OK架.配料方面非常豐富，就如一個大的海鮮拼盤，有蜆肉、鮮蝦、青口，一層層咁擺，好似玩緊出奇蛋咁，好適合一家大細玩，小朋友實好中意!軟殼蟹岩岩炸完，香口又熱辣辣，沒有油膩感;蜆肉鮮味得黎有口感;蝦肉新鮮又爽口;青口大大隻，鮮甜多汁.面包烘得非常脆，食落「卡卡」聲, 加上醬汁, 食食下其實都幾飽肚架.因為果子主打新加坡菜&馬來西亞菜, 所以試下店鋪推介的無骨海南雞(半隻)配油飯:海南雞的味道清新, 不油膩,  有麻油香, 雞肉有咬口.尤其雞皮非常Q彈又嫩滑, 令人驚喜配料方面：辣醬清新，酸味最出，十分惹味，又不會太辣, 而且食到蒜香，推介;薑蓉新鮮而且份量多, 岩晒中意食薑蓉的朋友;甜豉油比較稠身，而且甜味較出.蔬菜方面, 叫了一碟涼拌拍青瓜:涼拌汁是所有菜最辣的, 不過仍然屬於小辣. 醬汁中有大量的蒜蓉, 配上清爽的青瓜, 可以解膩.最後試了一杯凍黑糖珍珠鮮奶:黑糖汁香濃