潮庭 (新城市廣場) (Closed)

唔講食物質素住，俾錢埋單，個cashier可以撈亂左我同另一位食客既信用卡，我同另一位食客都有問佢有無碌錯或碌多左次，佢居然好意思叫我地自己打去card centre問，呢啲係咩野垃圾服務態度？佢地最後發現，係碌岩價錢，只係張卡擺錯位，一句擺錯位啫就了事！大佬，咁樣已經令個客好唔安心啦係咪？然後飲茶個杯係裂開哂，裂到漏水！做飲食既基本安全意識都無？有裂痕好易刮親個客個咀！野食方面，食潮州野，基本既潮州魚蛋，唔彈口都算，仲要超咸同腥臭！學人做潮州菜？仲以潮州菜做綽頭？唔好搞笑啦！超難食，用左128蚊食盤垃圾魚蛋什菜煲！其他食物都係超普通，總之一句講哂，永遠唔會再食。