Video
Read full review
2022-07-02
248 views
6月30日吃完晚飯，姨甥女想吃綿綿冰我就記得松記有，一行四人過嚟食點知超超差🤮🤮由我中學年代已經喺長沙灣嗰間幫襯開最少食咗二十幾年，咁多年佢喺我嘅眼中係正常價錢嘅糖水舖唔係標榜行精緻貴價，選擇多men 易睇，至少咁多年冇爛嘅生果食完都冇伏感，但今次食完再睇埋其他嘅評原來佢都差咗好耐，真係以後都唔使去和身邊朋友都可以講聲。咁我知道太子呢間係畀長沙灣嘅貴嘅，因為太子呢間我都食過好幾次，印像中對上一次都應該有大半年前，太子糖水舖唔算多但好幾間都正常，所以每晚飯完要食糖水都唔會特登過去食佢，今次為咗食綿綿冰三個大人就陪住去。。。講返嘢食～看圖一(冇標價錢)。家人點了C33(芋圓海底椰西米湯圓)可惜我淨係影咗自己食嘅相片，同綿綿冰的相片，因為冇諗過差成咁真係冇諗過寫食評，單據又唔記得影。呢一版C子頭成板冇標價，諗住松記貴得去邊丫四十蚊碗都預咗，點知單嚟到睇到53元其實價錢都算但最緊要真係難食到頂點。前後叫咗四樣嘢食1.(芋圓海底椰西米湯圓53元) 2.(雙色什果綿綿冰59元) 3.(海底椰子米露35元) 4.(紫薯芋圓仙草凍39元)1.西米露超稀.冇椰汁味係一個超稀嘅奶水.冇味嘅.湯圓
可惜我淨係影咗自己食嘅相片，同綿綿冰的相片，因為冇諗過差成咁真係冇諗過寫食評，單據又唔記得影。
呢一版C子頭成板冇標價，諗住松記貴得去邊丫四十蚊碗都預咗，點知單嚟到睇到53元其實價錢都算但最緊要真係難食到頂點。前後叫咗四樣嘢食1.(芋圓海底椰西米湯圓53元) 2.(雙色什果綿綿冰59元) 3.(海底椰子米露35元) 4.(紫薯芋圓仙草凍39元)
1.西米露超稀.冇椰汁味係一個超稀嘅奶水.冇味嘅.湯圓應該仲係自己包嘅味道正常.有3-4片薄片海底椰.因為唔係我食我問食嗰個咁稀有冇味佢都話冇味，真係糖+水囉唔知食乜出。
2.双色什果綿綿冰.綿綿冰冇以前整得咁高咁鬆，雜果只有兩種果得最cheap嘅西瓜同哈蜜瓜，就連一兩片嘅士多啤梨奇異果都唔係貴嘅嘢都冇。
3.海底椰子米露.鬼口水咁好杰pat嘢咁，都係得三至四片好薄嘅海底椰，呢個家人食咗就算冇形容畀我聽點難食，只話傑撻撻黐住個口好難食。
4.紫薯芋圓仙草凍，我叫咗多奶多年嚟我都係食多奶的，咁松記嘅奶係忌廉奶嚟嘅，忌廉奶係有種香味唔同鮮奶，但呢碗都超差，又係鬼口水咁，啲奶無味就係一pack白色嘅鬼口杰液體，唔知佢用咩整出嚟，冇奶味嘅都係得糖加水嘅味，淨係食到甜味，仙草都食咗咁多年，佢都可以係冇味道的，仙草應有嘅口咁佢有嘅，紅豆尚算淋，芋圓比出面大粒，口感可以，但不算强牙，至少唔係石頭咁硬，但食唔到芋圓該有嘅番薯芋頭味，舊紫薯最正常，但應該係紫心番薯唔係紫薯，食落去唔似紫薯，係烚熟咗再整返個型出，都仲食到粒粒冇點樣整爛。整體超級差冇下次，佢以前個menu都好清晰，分曬大西米/涼粉/豆腐花/一個個系列，而家個menu真難睇，加咗價唔緊要，都要畀番咁嘅質素人食，糖水咁好賺都整到咁真係可以88了。
Post
