象茶

Open Now

Now Closed

大半年冇幫襯，今日喺隔離米線買外賣就順便幫襯下，叫咗芝士奶蓋抺茶、芝士奶蓋烏龍茶、黑糖珍珠明治鮮奶。兩杯芝士奶蓋唔記得講要大杯定細杯，店員又冇問我要大定細就整咗大杯（其實我想要細杯），到佢整好咗我先知，查下張單係收咗大杯價錢。芝士奶蓋抺茶叫咗少甜，但竟然甜到死，似多甜！！芝士奶蓋亦係甜到難以形容，明明以前叫過好多次唔係咁嘅。以前我細女最鐘意飲黑糖珍珠明治鮮奶，今日飲咗兩啖話好難飲，話好甜，d珍珠又癡埋一pet嘢咁，結果飲剩半杯唔肯飲，掉咗。落單嘅時候有個店員妹妹仔整緊雞蛋仔俾客未得閒理我，另一個店員妹妹仔坐喺度篤手機好似完全睇我唔到咁冇幫我落單，等到整完雞蛋仔個妹妹仔搞掂先幫我落單。