川居雲南風味米線專門店 (Closed)

喺度食咗幾年，雖然水準一時時唔同，但係都間唔中會返嚟幫襯吓佢。今晚約咗舊同事食晚飯，卅幾度冇得打邊爐，於是嚟食米線。行到門口…差啲唔認得。一排冇嚟原來裝修咗，成間大家樂咁，尤其啲有英文字嘅玻璃。叫咗碗過橋米線，同事叫咗碗麻辣米線配腐皮同金菇，另外要多一碟細蜜川雞。過期米線其實冇幾年前我初初嚟咁好食，個湯都唔多同味。蜜川雞同蜜川骨可以話係呢度招牌菜之一，一早就應該出「細版」啦。如果唔係左邊卡位，我未必會入去幫襯。