Venchi (合和中心)

Open Now

Now Closed

午飯後由中環行返去灣仔，曬咗陣太陽見有少少口乾，經過合和中心時，原本諗住買杯老星聖誕咖啡特飲，但見隔離間「Venchi Chocolate」開咗咁耐細佬都未幫襯過，所以就走咗入去買咗杯凍朱古力飲 。店內只有身處收銀機後面一男一女o既服務生，唔通係玩情侶檔，希望吸引多啲拖友光顧？！妹妹仔落完單就交由哥哥仔慢慢調製凍飲 。大概等咗十分鐘，飲品終於準備好，$48一杯凍朱古力加送一塊朱古力曲奇，名朱古力店出品價錢算屬正常。由於凍朱古力單靠冰塊加凍，飲用時唔係好夠冰涼 ，其朱古力味則香醇得黎一啲都唔會過甜，加上忌廉更覺香滑，不過如果味道可以再濃厚啲啲效果應更佳。