湊湊火鍋‧茶憩 (如心廣場二期)

Open Now

Now Closed

真係無諗過會咁差，佢哋應該專注做打邊爐，唔好搞咩定食啦。我去過好幾間分店食打邊爐都幾好嘅，但係荃灣呢間就第一次，諗住試下佢哋D定食啦，點知真係好後悔，浪費晒D quota。唔只定食味道差，呢間D服務都好差。我同個 friend 叫咗個台式三寶麵（牛肉，牛筋，牛肚）+ 炸豬飯。 個麵來到真係嚇親，以為其他客人食剩湊一碗俾我咁，湯麵連湯都差D見唔到有。我自己屋企煮都好食過佢，差差差。 個豬扒鹹，肉燥唔好食，隔離嗰間台灣快餐好食過呢間多多聲。叫咗杯大紅袍珍珠奶茶，無茶味，得奶味。間鋪頭好似唔夠人手，遇溺式舉手都要等足5分鐘先落到單。佢哋應該考慮用 QR code 落單啦，upgrade 下啦。真心奉勸大家來呢間唔好食佢D定食啦，食完會唔多開心，睇下個餐來到時個樣就知道我呢餐食得有幾失落了。