十三姨酸菜魚 (Mikiki) (Closed)

尋晚第一次幫襯，點知留下不可磨滅嘅回憶。兩款湯嘅酸菜魚都難食到極，完全冇風味可言。首先好鹹，一鹹就冇鮮味，蕃茄湯就金寶湯味，唔酸，鹹到苦，唔夠熱個下食到你想嘔。另外一個湯嘅酸菜魚都係鹹味，冇魚味，總之就係濃濃嘅公仔麵湯粉味。粉皮仲恐怖，「梅」嘅，𣺉pat pat的，一夾就爛，醬汁又難食。炒扁豆，明明話唔辣但又用辣椒炒，死鹹味，落好多味粉。個皮蛋都係唔好食，得個豬耳叫做正常。未試過嘅朋友真係不值一試，去完會好後悔。