Video
Read full review
2018-06-09
285 views
第一次寫食評🙈請多多指教😀鐵牛🐃由第一間尖東分店，到現在的旺中分店，我間唔中都會食下。岩去完台灣返黎，想食台灣野嘅癮又發作，就會好自然諗起鐵牛🐃味道👅問心比唔上台灣，但環境都坐得舒服，唔會有限時，可以同朋友慢慢傾下計。以呢個飲食環境，餐飲價錢都算合理，唔貴。今次同一位朋友去食晚餐，好好彩唔使點等位（其實我無一次要等好耐😃）。今次好好彩俾人分到2人位，唔需要搭枱。（有時會搭去4人枱）👭👬一坐低，張枱會放低左餐牌同落單紙（忘記左影），好似畫車仔麵咁填落張落單紙到，之後自己行去入口嘅收銀處落單同俾錢，就可以坐返埋位等食。我地今次就叫左一個餐，再配搭幾種小食#上面：奮起湖燒雞腿排肉燥麵雞腿啖啖肉🍗，上面嘅蔥有少少似食白切雞配嘅蔥油味，醬油雞腿十分入味。肉燥麵我就無試，但眼見就似上海麵。#下左：木魚炸豆腐❤️呢個係我次次都會點嘅小食。豆腐用炸漿炸好，然後上面鋪上木魚絲，再加上類似日式章魚燒嘅醬汁，上面再配埋青瓜絲，食落好香，好有口感。不過今次上菜時已經凍左，所以無平時咁香口。#下右：好芝味芝士花枝丸呢個好普通，只係純粹炸完幾粒花枝丸，上面淋左「黃色嘅醬」。我話「黃色嘅醬」係因為無咩芝士味，唔覺得係
鐵牛🐃由第一間尖東分店，到現在的旺中分店，我間唔中都會食下。
岩去完台灣返黎，想食台灣野嘅癮又發作，就會好自然諗起鐵牛🐃
味道👅問心比唔上台灣，但環境都坐得舒服，唔會有限時，可以同朋友慢慢傾下計。以呢個飲食環境，餐飲價錢都算合理，唔貴。
今次同一位朋友去食晚餐，好好彩唔使點等位（其實我無一次要等好耐😃）。今次好好彩俾人分到2人位，唔需要搭枱。（有時會搭去4人枱）👭👬
一坐低，張枱會放低左餐牌同落單紙（忘記左影），好似畫車仔麵咁填落張落單紙到，之後自己行去入口嘅收銀處落單同俾錢，就可以坐返埋位等食。
我地今次就叫左一個餐，再配搭幾種小食
#上面：奮起湖燒雞腿排肉燥麵
雞腿啖啖肉🍗，上面嘅蔥有少少似食白切雞配嘅蔥油味，醬油雞腿十分入味。肉燥麵我就無試，但眼見就似上海麵。
#下左：木魚炸豆腐❤️
呢個係我次次都會點嘅小食。豆腐用炸漿炸好，然後上面鋪上木魚絲，再加上類似日式章魚燒嘅醬汁，上面再配埋青瓜絲，食落好香，好有口感。不過今次上菜時已經凍左，所以無平時咁香口。
#下右：好芝味芝士花枝丸
呢個好普通，只係純粹炸完幾粒花枝丸，上面淋左「黃色嘅醬」。我話「黃色嘅醬」係因為無咩芝士味，唔覺得係芝士醬。
#飲品：凍古早味冬瓜茶
解渴之選，本身我都中意飲冬瓜茶，唔會好甜。但我始終鍾情「天xx茶嘅913冬瓜茶」多d。
無理由朋友有麵食，我唔叫個飯食下🤣
於是我就另加多個：
#小碗滷肉飯
由於岩岩去完台灣，對台灣嘅滷肉飯念念不忘😭呢到當然完全比唔上台灣嘅香同油（可能每個地方用嘅醬油同食油都唔同，所以食唔出台灣嘅感覺），而且肉粒比較大，但如果想止下口癮都係一個選擇。
正體黎講😃，鐵牛🐃=想食台灣野+坐得舒服+價錢合理嘅選擇。
Post
