HANDS - Craft Beer & Magic

Open Now

Now Closed

今日男朋友帶左我去太子呢間新開無耐嘅魔術酒吧。一入到去店員好用心咁同我地介紹下呢間餐廳嘅唔同酒款以及主打魔術表演。脆炸蜜味啤酒單骨雞翼 $88味道一流，食落好有啤酒香味，而且單骨雞翼好方便，唔洗食到好麻煩，送酒一流。自家油封鴨腿配牛油果蓉 $158鴨腿等嘅時間長小小，但係鴨腿油香味同埋肉質都值得等待。再配埋個牛油果蓉好食到完全唔想share比男朋友。啤酒慢烤香麻手撕豬肉漢堡 $118如果鐘意食麻辣口味嘅人呢個漢堡真係可以一試，麻辣手撕豬肉fusion burger而且burger包係有處理過，咬落脆香，好好食。🇭🇰青檸蝶豆花蜂蜜手工啤 $108好飲，好特別而且餐廳都有好多唔同款式嘅香港本地酒。🇭🇰Two Moon 五花茶 Gin $118香港本地Gin，店員建議先neat飲，然後再加冰，最後就慢慢加tonic，一個Gin 3個層次。飲落好有五花茶同菊花茶嘅味道，好特別。整體來講，我哋一定會再去飲酒，因為太多款式想試下，而且食完野，魔術師會過黎表演同客人做下互動，其實都幾開心。