鴻記點心餐廳

Open Now

Now Closed

晨早樓樓6點幾係深井搵早餐食真係唔多選擇！想飲下茶 食點心 就行左過去依間係巷仔入面既 鴻記點心餐廳 其實出面深井大馬路都有間叫鴻記點心 應該都係同一間黎 （但巷仔入面既就比較隱蔽 同係有多d 點心同茶介選擇）環境就一般 地下好滑 要小心跣親位置唔多 早上6-7點都有好多老人家過黎飲茶食物質素牛肉忠頭飯一般般 牛肉有d咸 對我黎講偏重口味既人可接受 飯有點偏乾蒸飯豉油唔錯 甜中帶咸（好既蒸飯豉油 在一籠盅頭飯同腸粉 係起到一個點睛作用）叉燒腸粉皮係唔錯夠薄，餡都算唔錯，重芫茜味，但就略嫌蒸得唔夠熱。普洱茶茶味淡，色濃。 普通當熱水飲都ok既。總括：OK衛生一般 地下防滑差 天雨路滑要更小心 食物質素過得去 遲去既話好多點心都會無貨 。係深井飲個早茶食點心 要求唔高既 黎依間野都算過得去既。