龍城茶樓 (Closed)

今個星期天只上下午課堂, 久未陪兩老品茗, 以往經常路過牛池灣買麵包蛋撻, 發現一家別有風味的酒樓, 在市區山邊, 山水茶寮格局, 只做上午, 中午.雖然裡面有冷氣開放, 但既然有坐街位, 亦有超強大風扇吹吹吹, 剛下過雨又不覺悶熱, 這樣懷舊, 感覺一流.因為已過9點, 出面的點心只是早茶賣剩的, 拿了一籠牛肉同排骨, 排骨有芋頭墊底, "sok"了肉汁的芋頭, 非常鮮味, 後來即叫即蒸的鳳爪也有芋頭墊底, 芋頭滿是豉汁, 同鳳爪味道.老爸看見鄰檯伯伯叫了一個蒸魚, 問了阿姐原來是豉汁蒸魚雲, $27, 一個蒸魚, 有飯, 有湯, 認真抵食. 我和母親大人另叫排骨飯, 正宗的蒸飯, 吃一口已知道是生米蒸飯, 口感一流, $13, 淨食其排骨已經值回. 燒賣大大粒, 粒粒肉, 有鮮味, 香口. 茶錢$2一位, 試問有邊一間茶樓可以做到咁平, 附近地區嚴重老化, 早上老茶客不少, 老式茶樓不變正好配合一個老化了的社區, 亦因為, 保留了相信是僅存的香港特色. "寮屋區茶寮"不過, 夏天坐出面, 對著的只是街市馬路邊, 環境始終不及川龍的山水茶寮