純粹食所 (Closed)

如無人或openrice等飲食平台介紹，根本吾會搵到，即使你去到門口，都會因為門外的氣氛和不潔感覺而卻步，但當你一踏入門內，感受係180度轉變。室內全木系簡約佈置，加上特色梯級餐桌區，感覺舒服，場景好有日本feel，無得輸！我order左兩個set lunch，一個係腐乳野菌飯團，另一個係燒豆腐定食。先講腐乳飯團，燒過既腐乳帶有些飯焦香，減低左腐乳既咸味，好味。反而個燒豆腐定食麻麻，豆味吾夠，再加上燒汁好咸，仲要成舊幾水，吾太值。我反而對佢既甜食評分高，特別果杯香蕉朱古力開心果凍，朱古力吾太甜，初時飲有蕉味，到飲到中間開始會feel到有nuts既少少苦澀，感覺係有層次；仲有個抹茶麻薯撻，咬落去中間係煙靭既麻薯，撻皮脆，抹茶吾苦澀，甜度適中，只係…太細小，享受耐d都無。價錢吾算平，但建議一試。