加東 (Closed)

唔知有無開飯友同我一樣，每次搭銅鑼灣希慎廣場條長扶手電梯上誠品打書釘扮文青個陣，都會望下出面條街，而每次我都會望到"加東"這間星馬菜的電子板。但可惜次次睇完書，飲完杯茶之後就會無左件事，然後下一次去誠品再見到又會再想去試。今次我決定調轉，先去試一試"加東"，之後先去打書釘。由於差不多兩點先到，餐廳內人不算多。進入餐廳後的第一印象係好舒服，環境不錯。由於沒有吃早餐，我馬上就點了個肉骨茶套餐，女朋友因為想試多樣野就選了海南雞飯拼新加坡喇沙套餐。肉骨茶未食先聞到中藥味，但飲落又沒有太濃郁的藥味但又不至於淡，湯亦有胡椒的微辣，但可以再濃一點，送飯同油條時會更好食。而豆卜吸收了湯的味道，肉排很容易就可以將骨和肉分開，肉嫩易咬不痴牙。海南雞飯拼喇沙海南雞飯雞去骨，雞肉亦沒有碎骨，啖啖肉，雞肉夠滑。3隻醬料中薑茸味道比較淡，點了好像無點。雞油飯香但不膩。喇沙雖然是雙拼套餐但這喇沙配料亦很足，麵條跟其他餐廳差不多，但喇沙湯有很濃郁的椰香味，微辣但可輕輕中和椰香的膩，不錯的喇沙。唯一美中不足的是套餐並沒有飲品，但食物質素是水平之上！所以如果打完書釘又想食星馬菜，可以考慮下希慎對面間"加東"！