梳乎厘 (Closed)

上水比較少西餐廳，呢間算係少數中高檔嘅西餐廳。佢近期裝修左，光猛左我覺得舒服左。佢嘅set lunch 由四十幾蚊至二百幾蚊不等，星期六日同假期貴十蚊。可揀跟湯或沙律，我鍾意食雞同牛，但牛比較貴會留返獎勵自己先至豪下，呢次就食沙律係哈蜜瓜沙律，主菜就食雞排拼豬排，雞排唔算大塊，肉質唔錯，切開都仲有肉汁，豬排煎得幾好，唔柴有肉汁，唔會食到牙軟。但係我最近再去食呢個餐，佢竟然將塊雞排減左半，得返半塊！！！豬排都細塊左好多。如果唔想食太飽，呢間係唔錯嘅選擇，我就有時會唔夠飽服務黎講我覺得女侍應比較有禮貌嘅。