添好運點心專門店 (Closed)

簡單講～雪山叉燒包凍嘅；煎蘿蔔糕無味；鳳爪骨飯排骨係比鬆肉粉搞到已經唔係肉嘅質地；腸粉皮都仲勉強但温度唔夠；金銀蛋粥我自己煮好過佢；勉強食得只有糯米雞同燒賣…係做返一般酒樓水準。同侍應講“走葱”佢地要幾個人查字典先明你講乜嘢。點解唔上去揾人仔而要嚟呢度做咁慘呢？5星級點心～其實我以前好早食過。就算唔同嘅分店，以前都做到非同凡響讚不絶口嘅技藝。宜家彷彿靈魂已死，淨下一副行屍走肉嘅招牌，同門外嘅一張殘舊得獎海報。