Video
Read full review
2025-02-01
144 views
餐廳：帝樂 - 德國餐廳地點：銅鑼灣Fashion Walk菜式：德國菜餐牌：星期日有早午餐餐牌，包自選主菜7選1，沙律吧，凍肉盤，凍海鮮，湯，熱盤，德式烤薄餅同甜品，仲有一杯即磨咖啡或者茶。可以唔要主菜，價錢$208另加一，咁加好少錢就多個主菜食。脆皮燒豬肘配酸椰菜及炸薯角 （兩位用）$488 另加一真係超大份，係原隻用煎pan上枱，影完相服務員就幫手將佢切開。整得超脆皮，凍左皮都係脆，肉都好嫩，唔會太乾，味道鹹香十足，帶少少筋。可以配枱上黃色芥末食用，我覺得配沙律吧沙律食仲好，本身都配有酸椰菜解膩。炸薯角外脆而味道鹹香，配茄汁更好味。沙律吧有好幾款沙律，紅腰豆配粟米青豆，番茄片配芝士粒，火箭菜，燈籠椒配青瓜雜菌，羅馬菜，雜菜沙律，菜苗，雜果沙律等等。配有果仁同多款醬汁芝士粉等等。凍肉盤有巴馬火腿，配有酸瓜。凍海鮮有連殼凍蝦同青口，質素不俗，夠鮮味，凍蝦特別鮮甜。湯係南瓜湯，配有三款麵包。熱盤有兩款腸仔，炸魷魚圈，炸魚柳，兩款串燒，一款德式烤薄餅同蛋餅。牛舌串好味道。炸魷魚圈都好食。德式烤薄餅脆脆地，唔會乾夠濕潤，蛋香十足。而蛋餅都係外脆內滑，好有蛋香。甜品有新鮮生果盤，芝士蛋糕，脆
地點：銅鑼灣Fashion Walk
菜式：德國菜
餐牌：星期日有早午餐餐牌，包自選主菜7選1，沙律吧，凍肉盤，凍海鮮，湯，熱盤，德式烤薄餅同甜品，仲有一杯即磨咖啡或者茶。可以唔要主菜，價錢$208另加一，咁加好少錢就多個主菜食。
脆皮燒豬肘配酸椰菜及炸薯角 （兩位用）$488 另加一
真係超大份，係原隻用煎pan上枱，影完相服務員就幫手將佢切開。
整得超脆皮，凍左皮都係脆，肉都好嫩，唔會太乾，味道鹹香十足，帶少少筋。可以配枱上黃色芥末食用，我覺得配沙律吧沙律食仲好，本身都配有酸椰菜解膩。
炸薯角外脆而味道鹹香，配茄汁更好味。
沙律吧有好幾款沙律，紅腰豆配粟米青豆，番茄片配芝士粒，火箭菜，燈籠椒配青瓜雜菌，羅馬菜，雜菜沙律，菜苗，雜果沙律等等。配有果仁同多款醬汁芝士粉等等。凍肉盤有巴馬火腿，配有酸瓜。
凍海鮮有連殼凍蝦同青口，質素不俗，夠鮮味，凍蝦特別鮮甜。
湯係南瓜湯，配有三款麵包。
熱盤有兩款腸仔，炸魷魚圈，炸魚柳，兩款串燒，一款德式烤薄餅同蛋餅。牛舌串好味道。炸魷魚圈都好食。德式烤薄餅脆脆地，唔會乾夠濕潤，蛋香十足。而蛋餅都係外脆內滑，好有蛋香。
甜品有新鮮生果盤，芝士蛋糕，脆脆夾心酥餅，Tiramisu，同啫喱。芝士蛋糕超好食，又滑又濃。脆脆夾心酥餅，又香又酥脆又甜甜地。
生果盤
0 views
0 likes
0 comments
甜品
0 views
0 likes
0 comments
甜品
0 views
0 likes
0 comments
總括而言，食物質素唔錯，主菜超大份，仲包好多野食任食，絕對可以食到飽飽。餐廳環境好好，好有歐洲小餐館感覺，度過大大滿足既一個星期日。
Post
