Video
Read full review
2019-10-02
127 views
我喺香港都食過幾次Omakase，但今次食嘅都算係最有特色嘅一次！呢餐計埋水果有成十八款食物，$1288呢個價錢算係好抵！前菜三點盛：胡麻豆腐口感好滑溜，重芝麻味，食完好開胃！南瓜凍湯：第一次飲冰凍嘅南瓜湯，感覺好新鮮，呢個湯微甜，南瓜味好香濃！之後呢個係芝麻鯛，係鯛魚嘅一種，肉質比較實，師傳加咗少少檸檬酸汁去調味，幾有鮮味！講明係crossover西式嘢，即刻上返個吞拿魚他他，底下個汁係柚子汁！將所有材料撈勻再搽上烘咗嘅多士上面一齊食，口感好豐富！下一個都係日式Omakase較少見嘅菜式，煙燻帶子，一揭開蓋就聞到好大陣嘅煙燻香味！調味係用咗蕃茄沙沙再加啲黃椒醬，食落好有層次！跟住就食咗一個煮物，呢個係餐廳自己整嘅蓮藕饅頭，將日本蓮藕攪碎再變成饅頭咁嘅樣，味道同口感同中式嗰啲完全唔同，師傅唔講我哋都唔知係咩嚟~~之後就上多三款刺身，分別係池魚王、金目鯛同埋真名鏗，三款都各有特色，最鐘意真名鏗，即係日本倉魚，入口好綿，好濃魚味！食完刺身就食返個熱食，燒鯖魚，睇外型成隻刺猬咁，好搞笑，面嗰啲其實係松子仁嚟，再加咗啲蛋黃醬，應該係餐廳嘅原創菜式，真係好有創意，而且味道仲要好唔錯！之後又上多四
前菜三點盛：胡麻豆腐口感好滑溜，重芝麻味，食完好開胃！
南瓜凍湯：第一次飲冰凍嘅南瓜湯，感覺好新鮮，呢個湯微甜，南瓜味好香濃！
之後呢個係芝麻鯛，係鯛魚嘅一種，肉質比較實，師傳加咗少少檸檬酸汁去調味，幾有鮮味！
講明係crossover西式嘢，即刻上返個吞拿魚他他，底下個汁係柚子汁！
將所有材料撈勻再搽上烘咗嘅多士上面一齊食，口感好豐富！
下一個都係日式Omakase較少見嘅菜式，煙燻帶子，一揭開蓋就聞到好大陣嘅煙燻香味！調味係用咗蕃茄沙沙再加啲黃椒醬，食落好有層次！
跟住就食咗一個煮物，呢個係餐廳自己整嘅蓮藕饅頭，將日本蓮藕攪碎再變成饅頭咁嘅樣，味道同口感同中式嗰啲完全唔同，師傅唔講我哋都唔知係咩嚟~~
之後就上多三款刺身，分別係池魚王、金目鯛同埋真名鏗，三款都各有特色，最鐘意真名鏗，即係日本倉魚，入口好綿，好濃魚味！
食完刺身就食返個熱食，燒鯖魚，睇外型成隻刺猬咁，好搞笑，面嗰啲其實係松子仁嚟，再加咗啲蛋黃醬，應該係餐廳嘅原創菜式，真係好有創意，而且味道仲要好唔錯！
之後又上多四款壽司，第一款係赤鱸魚壽司，因為赤鱸魚油脂較多，所以用火槍燒一燒佢個面會仲好食！
呢款係赤貝壽司，質感好柔軟，有獨特嘅鮮味！
呢個係胡麻油甘魚壽司，肉質好甘甜！
最特別係呢個醬油拖羅，上面加咗少少黃芥辣，加咗啲特製醬油去熟成，味道同就咁食拖羅分別好大，成個魚味濃厚咗好多，原來壽司唔一定係最新鮮就最好吃！
迷你海膽飯
厚燒玉子
最後一個熟食係鏗魚湯，仲有啲菇，好鮮甜！
食完咁多嘢食，食返個雪凍咗嘅超甜蜜瓜同提子真係勁滿足！
Post
